ნიკოლ ფაშინიანმა მასუდ პეზეშკიანს ირანის საპრეზიდენტო არჩევნებში გამარჯვება მიულოცა. აღნიშნულთან დაკავშირებით, ინფორმაციას სომხეთის მთავრობის პრესსამსახური ავრცელებს.
„დარწმუნებული ვარ, რომ ჩვენი მთავრობების ერთობლივი ძალისხმევით, სომხეთის რესპუბლიკასა და ირანის ისლამურ რესპუბლიკას შორის მიღწეული შეთანხმებები განხორციელდება და სომეხი და ირანელი მეგობარი ხალხების კეთილდღეობისთვის უამრავ ახალ პროგრამას დავიწყებთ“, – აღნიშნულია განცხადებაში.
ნიკოლ ფაშინიანი აღნიშნავს, რომ სომხეთსა და ირანს შორის ურთიერთობების შემდგომ გაღრმავებას განსაკუთრებული მნიშვნელობა აქვს როგორც ორმხრივი თანამშრომლობის, ისე რეგიონული სტაბილურობისა და კეთილდღეობის კონტექსტში.
